Blitsbokke en Proteas deel van TV-skouspel

Die eindwedstryde in die Australiese tenniskampioenskappe, vier internasionale krieketwedstryde en uitklopsokker waarin sensasionele uitslae opslae kan maak, word dié naweek regstreeks op televisie uitgesaai.

Maar die sewesrugby in Nieu-Seeland, waar Suid-Afrika sy hoë aansien in die internasionale reeks verdedig, sal vir talle sportliefhebbers alles oorheers as die Blitsbokke die eindstryd haal.

Nóg twee eendaagse krieketwedstryde tussen Suid-Afrika en Pakistan, asook een van Suid-Afrika se voorste perdewedrenne en die eerste groot atletiek van die jaar is ook regstreeks op TV te sien.