Dié naweek se sport eindig eers Maandag

Dié naweek se sport eindig eers Maandagoggend. Dit is wanneer die beslissende wedstryde in die Wêreldbeker-sewesrugbytoernooi in San Francisco gespeel en op televisie uitgesaai word.

Suid-Afrika se vertonings in dié toernooi, in die Wêreldbeker-hokkietoernooi vir vroue in Londen en in die tweede kriekettoets teen Sri Lanka sal sportgeesdriftiges wéér ure lank voor hul TV-stelle laat deurbring.

ʼn Hele klomp SA atletieksterre neem ook aan twee groot internasionale byeenkomste deel. En daarby sal die Britse Ope-gholftoernooi, die Duitse Grand Prix en die Tour de France-fietswedren ook in nóg ʼn oorvol sportnaweek groot opwinding veroorsaak.