Stapelvoedsel en koningskos op TV

Die Stormers en die Bulls dra dié naweek swaar aan die verwagtinge van Suid-Afrikaners vir wie Superrugby omtrent  ʼn stapelvoedsel is.

Hul wedstryde teen die Waratahs en die Hurricanes, en nóg T20-krieket tussen Suid-Afrika en Indië, sal TV-kykers se senuwees goed op hol jaag.

En vir mense wat motorfietsrenne as koningskos beskou, begin die jaar met die regstreekse uitsending van die Australiese superfietskampioenskappe.

Daarby neem Louis Oosthuizen, Retief Goosen en ʼn paar ander Suid-Afrikaners in die Verenigde State aan die Honda Classic-gholftoernooi deel. Die wenner kry byna R14 miljoen en die ander deel die oorblywende R63 miljoen.