Plasies het nou klaar gepraat

22 May 2017  Read: 257

 

Verlede week Woensdag, het drie debatspanne van Hoërskool Merensky by Hoërskool Hans Strijdom, op Naboomspruit,  deelgeneem aan die jaarlikse ATKV-debatkompetisie vir hoërskole. Die ATKV skryf die onderwerp waaroor debatteer moet word voor, en spanne moet dan inleidend of opponerend daaroor debatteer.

Die seniorspanlede was twee graad 10 leerlinge, Stefan Corbett en Liza-Ri Snyman, wie die mening gehandhaaf het dat gratis tersiëre opleiding gelykheid in Suid-Afrika sal bevorder.

Plasieland is trots op hul twee juniorspanne uit graad 9, wie albei hul debatte teen spanne van Hoërskool Nylstroom gewen het.  Die onderwerp waaroor hul mond uitgespoel het, was of kulturele verskille die deurslaggewende faktor by die opstel van skoolreëls moet wees. Ikne Stucki, Meggan Cloete en Amelda Pretorius het veral tydens hul informele debatsgesprek hul opponente geroskam.

Dirk Crafford, Suandrie Corbett en Jamie Robertson het uitstekend gevaar met ‘n tweedeplek. Hiermee dring hul deur na die semi-finale ronde in Benoni op 26 Mei. 

 
 
 
 

0 Comments

To leave a comment you need to login / register first